Almodovar, Tarantino və Curmuş kimi dünya film sənayesinin nəhənglərini gözlənilməz yeni adların geridə qoyduğu 72-ci Kann Film Festivalı sona çatdı.
Film festivalı tarixində ilk dəfə "Qızıl palma budağı" Koreyaya yollandı: onu "Parazitlər" adlı qara komediyanın rejissoru Pon Çjun Ho apardı.
Bu il qran-prini "Atlantika" filminə görə Seneqal əsilli rejissor Mati Diop qazandı. Festivalın 72 illik tarixində ilk dəfə olaraq Afrikalı qadın mükafat aldı! Onun ilk tam metrajlı filminin olmasına və filmdə peşəkar aktyorların olmamasına baxmayaraq, on il əvvəl onun “Atlantiques" qısametrajlı filmi artıq böyük alqış toplamışdı, o vaxtdan bəri, Avropada mükafatlar toplayaraq öz yolunu çizirdi. Seneqallı elektron musiqiçi Fatima Al Kadirinin əli dəydiyi xüsusi atmosferli saundtreki ayrıca qeyd etməyə dəyər.
Ən yaxşı kişi roluna görə mükafat "Ağrı və qələbə" filmində Pedro Almodovarı canlandıran Antonio Banderasa təqdim olunub. Bu, yaradıcı böhranın əzabı və görünməyən tərəfləri haqqında dərin və olduqca şəxsi filmdir. Banderas demək olar ki, yalnız bir mimikadan istifadə edərək Almodovarı çox gözəl canlandırıb, həm də yaşa dolduqca qrimsiz də ona çox bənzəyirdi.
Aleksandro Qonsales İnyarritu başda olmaqla münsiflər heyəti ən yaxşı qadın roluna görə mükafatı "Baby Joe" filmində ifa edən britaniyalı aktrisa Emili Biçi layiq gördü.
"Fildişi Qülləsi" filmi ilə tanınan Fransız ssenarist Selin Skyamma "Atəşli gənc qızın portreti" filminə görə ən yaxşı ssenari mükafatına layiq görüldü. Bu yaradıcılıq və sevgi haqqında tam bir qadın filmidir.
Ən yaxşı rejissorlar 13 yaşında cihadın başlanğıcı kimi qəbul edərək Belçikalı müəllimini öldürməyi düşünən “Gənc Əhməd” haqqında neorealistik və gərgin filmi çəkən Dardenn qardaşları oldu.
Jüri mükafatını Hugonun "Səfillər" əsərini miqrasiya prizmasından görən Lac Li və tanınmış Udo Kirin ifa etdiyi "Bakurau" filmi ilə Braziliyalı rejissor Kleber Mendoza Jr. aralarında paylaşdılar.
Fələstinli rejissor Eliya Süleymanın cənnətə getməyin nə qədər çətin olduğu barədə “Yəqin, bu cənnətdir” filmini xüsusi qeyd etmək lazımdır.
27 yaşlı rusiyalı rejissor Kantemir Balaqovun "Uzundraz" filmi "Xüsusi baxış" seksiyasında mükafata layiq görülüb.
