Azərbaycan Respublikası Mədəniyyət Nazirliyinin təşkilatçılığı ilə altıncı Beynəlxalq Kitab Sərgisində yüzlərlə azərbaycanlı və xarici nəşrlərin təqdimatı keçiriləcək.
Harada: Bakı İdman Sarayı
Nə zaman: 27 – 29 sentyabr, 13:00 – 19:00
Bu şənbə günü ikinci Nəsimi - şeir, incəsənət və mənəviyyat festivalı çərçivəsində “Tallinn Oğlanlar Xoru” Bakıda çıxış edəcək.
Harada: Azərbaycan Dövlət Filarmoniyasının kamera və orqan musiqisi zalı
Nə zaman: 28 sentyabr, 22:00
YAY! Travel uşaqlar və valideynlər üçün Şahdağ Milli Parkına art-tur təşkil edir. Proqrama daş üzərində rəsm ustad dərsləri daxildir, dərsləri isə Azərbaycan Dövlət Kukla Teatrının aktrisası və Len&Dolls yaradıcılıq studiyasının direktoru Yelena Borisovna Şetinkina aparır. Yerlərin sayı məhduddur.
Görüş yeri: Gənclik metrosunun yaxınlığında
Nə zaman: 29 sentyabr, 07:00 – 21:45
Moldova, Gürcüstan, Almaniya, Avstriya, İran, Türkiyə, İsrail və Böyük Britaniyalı rəssamların sənətdə olan qadınlara həsr olunmuş solo ekspozisiyalarını təqdim etdikləri "Qadın olmaq" (To Be a Woman) müasir sənət festivalı davam edir.
Harada: Müasir İncəsənət Muzeyi
Nə zaman: 16 oktyabra qədər
Azərbaycanda rus filmləri həftəsi başa çatır. Film həftəsinin proqramına həm yeni, həm də kinoteatrların liderləri, beynəlxalq kinofestivalların mükafatçıları daxildir. Pulsuz film nümayişlərini qaçırmayın!
Harada: Nizami Kino Mərkəzi və YARAT Müasir İncəsənət Mərkəzi
Nə zaman: 29 sentyabra qədər
Gənc isveç rəssam Simon Arns ikinci Bakı sərgisi çərçivəsində ustad dərsləri verir.
Harada: Art Tower qalereyası
Nə zaman: 29 sentyabra qədər
